Back Cover
Look Inside

திணையியல் கோட்பாடுகள்

திணையியல் என்பது தமிழர்களின் மெய்யியலாக அதாவது இயற்கையை எவ்வாறு
நோக்குவது? எவ்வாறு அணுகுவது? என்கின்ற ஓர் அறிவுக் கோட்பாடாக இருந்துள்ளதை நாம்
தொல்காப்பியம், சங்க இலக்கியங்கள், திருக்குறள் ஆகியவற்றின் வழியாகக் கண்டடைய முடியும்.

தமிழர்களின் மெய்யியல் என்பது இறைமக் கோட்பாடுகளை அடிப்படையாகக் கொண்டதன்று, அஃது இயற்கைக் கோட்பாடான திணையக் கோட்பாட்டை அடிப்படையாகக் கொண்டது. இது இன்றைய காலகட்டத்திற்கும் ஏற்றதொரு விடுதலைக் கோட்பாடாக உள்ளது. மாந்த விடுதலையை மட்டுமன்றி ஒட்டு மொத்த உயிரின விடுதலைக்கும் அது வழிகாட்டுகிறது.

60.00

தமிழர்கள் தங்களது வாழ்விடத்தை இயற்கையின் கூறுகளாகவே வகுத்துள்ளனர். இது வேறு எந்த
பண்டை நாகரிகங்களிலும் காணக்கிடைக்காத ஒன்றாக உள்ளது.

‘மாயோன் மேய காடுறை உலகமும்
சேயான்மேய மைவரை உலகமும்
வேந்தன் மேய தீம்புனல் உலகமும்
வருணன் மேய பெருமணல் உலகமும்
முல்லை குறிஞ்சி மருதம் நெய்தலெனச்
சொல்லிய முறையாற் சொல்லவும் படுமே’ (தொல்:பொரு: 4)

என்று நிலங்களுக்கான பெயர்களைச் சுட்டுகிறார். ஏசுநாதர் பிறப்பிற்கு ஏறத்தாழ எட்டு நூற்றாண்டுக்கு முன்பு வாழ்ந்த தொல்காப்பியர் ‘சொல்லிய முறையால்’ என்று வழிமொழிகிறார். இதன் வாயிலாக அவருக்கு முன்பே தமிழர்கள் தங்களது நிலப்பகுப்பை முறையாக ஆக்கிக் கொண்டுவிட்டனர் என்பது தெளிவாகிறது.

இன்று மிக முன்னணியில் இயங்கிக் கொண்டிருக்கும் ஓர் அறிவியல், சூழலியல் (Environment Science) என்ற ஓர் இயலாகும். இதன் ஒரு பிரிவாக திணையியல் (Ecology) என்ற ஒரு துறை வளர்ந்து
வந்துள்ளது. அது இப்போது ஒரு மெய்யியலாகவும் விரிவாக்கமிடுகிறது.

ISBN

978-93-88627-00-9

பதிப்பு

முதற் பதிப்பு

பக்கங்கள்

76

வெளியான ஆண்டு

2012

Author

பாமயன்